Audi: флагман электрокар ҳақида янги тафсилотлар

Янги Audi A9 e-tron электрокари Tesla Model S’нинг бевосита рақобатчисига айланади ва 2020 сотувга чиқарилади. Бу ҳақда немис компаниясининг раҳбари Руперт Штадлерга таяниб, Autocar нашри ҳабар берган.

Янги Audi A9 e-tron премиум сегментдаги автомобиль сифатида электрокарлар қаторида юқори ўринни эгаллайди. Штадлернинг айтишича, электрокар Audi A8 сингари премиум даражада позицияланади. Премиум электрокар билан бир қаторда  Audi Q6 e-tron номли кроссовернинг яратилиши ҳам кўзда тутилган. Иккала автомобиль бир хил платформа асосида тайёрланади. Янги седан учта электр моторга эга бўлади: улардан бири олд ғилдираклар ҳаракатига жавоб берса, қолган иккитаси орқа ғилдиракларни айлантиради.

Ҳозирча Audi A9 e-tron моделининг техник параметрлари ҳақида бирор маълумот берилмаган. Бироқ  Audi Q6 e-tron кроссоверидаги моторлар тўплами оддий режимда 435 та от кучини ҳосил қилган. Кучли режимда автомобиль қуввати 503 та от кучига оширилган. Флагман электрокарнинг мотор кўрсаткичлари ҳам кроссоверникига ўхшаш бўлиши тахмин қилинмоқда. Шунингдек, Audi раҳбари электрокар бир зарядланишда 500 км масофа босишини тасдиқлаган. Audi A9 e-tron 60 км/ст тезликда ҳаракатланганда, пилотсиз бошқарув режими автомобилни автоном равишда бошқариши мумкин.