Audi янги авлод S4 седани ва универсалини намойиш этди
Audi компанияси Франкфурт автосалонида янги авлод S4 седани ва универсалини намойиш этди. Модель ҳажми уч литрлик TFSI двигателини сақлаб қолган, бироқ унинг қуввати 333 от кучидан 354 от кучигача оширилган.
Audi S4
Кўрсаткичлари яхшиланган саккиз босқичли Tiptronic автомат узатмалар қутиси билан жуфтликда мотор 4,7 сонияда автомобилни соатига 100 километр тезликка олиб чиқади. Энг юқори тезлик соатига 250 километр билан чекланган, ишлаб чиқарувчиларнинг маълум қилишича, машина ҳар 100 километрга 7,4 литр ёнилғи сарфлайди.
Audi S4
S4’нинг интерьери рул чамбаригининг пастки тўғри чизиқли экани ва ўзига хос декоратив безаклари билан A4’дан ажралиб туради. Янги автомобиль базавий версияси ҳам ёруғлик диодли фаралар ва 18 дюймли ғилдирак дисклари билан таъминланади. Қўшимча сифатида 19 дюймли ғилдирак дисклари ҳам таклиф қилинади.
Audi S4 салони
Audi S4 седани ва универсалининг савдолари 2016 йилда бошланади.
Жимми — ҳинд фильмлари ихлосманди. Араваларга эса ҳинд фильмларидан ҳам кўпроқ қизиқади. Айниқса, электр токида ҳаракатланувчи ва ўзиюрар машиналар ҳақида ўқиш ва ёзиш — Жиммининг жону дили! Ўзи мутолаа қилган хабар-мақолаларнинг энг сараларини сизга ҳам илинади.
Баҳам кўринг:
