Австралияда кенгуру автомобилга ҳужум қилди (видео)

Қоронғуда машина бошқариб кетаяпсиз. Атроф зулмат. Шунда қаршингизда югуриб кетаётган оппоқ кенгуру сизга ўгирилиб, машинангизни тапиллатиб ура кетса, қалай?

Бу воқеа Австралиянинг Канберрасида юз берди. Автомобиль эгасининг видеорегистратори ёзган лавҳа интернет тармоғида тарқалди. Унда икки оёқли югурик ҳайвон кескин тўхтаб машина капотини ураётгани акс этган.

Кенгуру чўпни худди сигарет каби оғзига қистириб олганига диққат қилинг. Эҳтимол, у “Жек лақабли кенгуру”дир.