«Автоойна» хавфсиз ойналар ишлаб чиқаради

«Автоойна» МЧЖ корхонасида  Т250 автомобиль модели учун  хавфсиз ойналар ишлаб чиқаришни режалаштиряпти. Шу йилнинг июль ойида  янги автомобиль модели учун мўлжалланган ойна намуналари «GM-Koreya» ишлаб чиқариш корхонасида илк синовдан ўтказилди. Бугунги кунда мазкур ойналар «GM Uzbekistan» автомобиль заводининг асосий конвейерида синовдан ўтказишга тайёрланмоқда.

Таъкидлаш керакки, ушбу автомобиль ойналарининг  ўрнатилган тартиб қоидаларга мувофиқ хавфсиз материаллардан фойдаланиб тайёрланганини тасдиқловчи Россия Федерацияси Давлат Стандартлаштириш хизмати тақдим этган сертификатлар мавжуд. Бу эса «Автоойна» МЧЖга Т250 русуми учун мўлжалланган автомобиль ойналарини  барча синовлардан ўтказилгандан сўнг МДҲ давлатларидаги иккиламчи бозорларга экспорт қилиш имкониятини беради.

Янги автомобиль ойналарини  2016 йил бошидан  серияли ишлаб чиқариш   кўзда тутилган.