Беларусда Ravon брендининг тақдимоти бўлиб ўтди
GM Uzbekistan компанияси 30 сентябрда Беларусда Ravon бренди тақдимотини ўтказди. Бу ҳақда «Газета.uz»га асосланиб Daryo.uz хабар бермоқда.
Янги бренд Беларусда R2, Nexia R3 ва Gentra моделлари билан тақдим этилди. Кейинчалик қаторга R4 модели қўшилиши режалаштирилмоқда.
Октябрь ва декабрь ойлари орасида янги бренд тақдимоти Озарбайжонда ва Туркманистонда ўтказилиши кутилмоқда. Шу тариқа, бренд МДҲнинг барча асосий автомобиль бозорларини қамраб олади. Илгарироқ Қозоғистон, Россия ва Украинада тақдимот маросимлари ўтказилган эди.
Carzone.uz'нинг сермаҳсул ёзувчиларидан. Ўзи ҳақида гапиришни ёқтирмайди. Ҳаваскор, лекин ашаддий автомобиль ишқибози.
Баҳам кўринг:
