Беш метрли Renault йўлтанламасининг илк суратлари пайдо бўлди

Интернетда Renault`нинг Maxthon деб номланиши кутилаётган янги модели – беш метрли улкан йўлтанламаснинг илк расмий фотосуратлари пайдо бўлди. Автомобиль суратлари Caradisiac нашри томонидан чоп этилди.

Француз русумининг илк суратлари 19 апрель куни эълон қилинган эди. У тизер услубидаги сурат бўлиб, асосий чироқнинг ёруғлик диодли фараси бир қисми тасвирланган эди. Ҳар икки суратлардан кўриш мумкинки, улкан “Рено” йўлтанламаси дизайни 2015 йилда тақдим этилган Talisman седан ва универсали услубида ишлаб чиқилган.

Maxthon модели асосида Nissan Qashqai ва X-Trial автомобилларида фойдаланиб келинаётган CMF модул платформаси ётади. Моторлар гаммасидан 150 ва 200 от кучига эга бензинли мотор ҳамда 1,6 литр ҳажмли 160 кучига эга дизелли двигатель ўрин олди.

Янги автомобиль тақдимоти 25 апрель куни очиладиган Пекин моторшоусида бўлиб ўтади. Maxthon Европа ва Осиёда сотилади ва Hyundai Santa Fe ҳамда бўлғуси етти ўринли Skoda йўлтанламасига рақобатчи бўлади.