Бу автомобиллар ўтмишга айланади

2016 йилда бир қанча янги автомобиллар намойиш этилади. 11 январда Детройт автосалонида очиладиган тадбирга кўплаб автомобиль компаниялари тайёргарлик кўрмоқда. Шу билан бирга жорий йилда конвейердан чиқарилиши тўхтатиладиган автомобиллар рўйхати ҳам тайёр. Қуйида энди ишлаб чиқарилмайдиган автомобиллар тўғрисида ҳикоя қиламиз.

MINI Cooper Coupe

Ўйинчоққа ўхшайдиган ихчам машина харидорини топа олмади. Купенинг йиғилувчи томли стандарт модификациясидан фарқи йўқ ҳисоб.

Mitsubishi Lancer Evolution

Япон автомобилсозлари таниқли Mitsubishi Lancer Evolution русумини бошқа ишлаб чиқармасликлари тўғрисида маълум қилиб, ҳаттоки, Final Edition номли рамзий якуний русум ҳам ишлаб чиқаришди. Кам сонли харидорлар учун, албатта.

Nissan Xterra

Бу русум ўн йилдан ортиқ Шимолий Америка автобозорларини қиздирган. Қайтиш вақти етди.

Land Rover Defender

Кичик ва ишончли йўлтанламас, нархи ҳам паст. Британиялик автомобилсозлар эса бошқа ишлаб чиқармоқчи эмас. 2018 йилга бориб ўринбосари чиқарилиши режалаштирилган.

Dodge Durango

2015 йил Durango русуми учун ҳам сўнгги йил бўлди. Мазкур тўпори русум келгусида етти ўриндиқли автомобилга айланиши мумкин. Бунинг учун камида икки йил кутилади.