Chevrolet Cobalt дизайнини тамомила ўзгартирди

Бразилиялик эпчил сураткашлар янгиланган Кобальт тасвирини олишга улгурди.

Chevrolet компанияси Cobalt қиёфасини тамоман янгилашга аҳд қилган кўринади: энди кичик седан “Круз” янги авлодини эсга солади, кузовнинг олд қисми бутунлай бошқача, бампер шакли, орқа чироқлар ва юкхона қопқоғи ўзгарган. Салонда камтарона магнитола ўрнини мултимедиали сенсор экран эгаллаганини айтмаса, ўзгармаган ҳисоб.

GM Бразилия филиали ишлаб чиқарган Кобальтни 1,8 литрли атмосферали мотор ҳаракатга келтиради. Узатмалар қутисида 5 поғонали “механика” ёки 6 поғонали ”автомат”ни кўрамиз.

General Motors чиқиб кетгунгача Россияга Chevrolet Cobaltни Ўзбекистон экспорт қилган. Энди ўзбек автоси Daewoo бренди ўрнига Ravon маркаси билан қайтадан кириб келмоқда. Янги Ravon R4нинг 1,5 литрли двигатели 106 от кучига эга.