Daihatsu Trek – уйқучилар учун боп автомобиль

Daihatsu ғаройиб концептлари билан тез-тез ҳайратлантириб туради. Аммо 1985 йилда Токио автосалонида кўрсатилган Trek нишона нусхаси кўплаб муҳокамаларга мавзу бўлган. Энг аввало “бунақа дизайн кимга керак?” деган савол туғилади.

Токио-1985 автосалонида “Юксак орзу учун кичик автомобиль” номли дастур бор эди. Унинг доирасида турли компаниялар келажак микрокарининг 32 концептини кўрсатишди. Улар орасида Daihatsu Trek ажралиб турарди. Биттагина ўриндиғи бор, уям тепароқда, қисқаси квадроциклга ўхшайди.

Аммо “трек”нинг рул чамбараги, ўриндиғи ҳамда хавфсизлик дўғаси билан бирга пастга тахлаб қўйиш мумкин. Шунда автомобиль бир ўринли каравотга айланади. Устига чивиндан сақловчи тўр тутиш мумкинлигини айтмайсизми? Табиат қўйнида ишлайдиган кишилар учун мос автомобиль, ўнқир-чўнқирларни босиб ўтиб, чарчаганда бемалол ётиб ухлаш мумкин.

Дарҳақиқат хунук, тобутга ўхшаш

Аммо усти текисланувчи бу автомобилча салон иштирокчиларига маъқул келмади. Улар бир овоздан хунук ва бефойда, деган қарорга келишди. Аммо унинг номига оид ажойиб сўз ўйини юзага келди. Дастур номи Small vehicles whith a big dream бўлиб, dream сўзи инглиз тилидан “орзу” ва “уйқу” деб таржима қилинади. Шундай қилиб Daihatsu инженерлари “Юксак уйқу учун кичик автомобиль” ясаган бўлиб чиқади 🙂

Шифохонада касалларни ташишда замбил сифатида фойдаланса бўлади