Детройтда йилнинг энг яхши концепти аниқланди

“Энг яхши концептуал автомобиль” номинацияси бўйича EyesOn Design мукофоти Nissan Vmotion 2.0га насиб қилди. Бундан ташқари ҳакамлар ҳайъати “Ранг, графика ва материаллардан фойдаланиш соҳасидаги энг яхши инновация” учун ҳам ушбу концептни ғолиб деб топди.

“Vmotion 2.0 Nissanнинг янги, динамик ва салонига ишлов берилган автомобилларининг келажакдаги дизайнига назар солишдек нодир имконни тақдим этади”, дейди компаниянинг дизайн бўйича ижрочи директори Мамору Аоки.

“Ниссан”чилар Vmotion 2.0 бу “V-motion” элементининг эволюциясилигига урғу беради. Кузов мис ва бошқа металлар уйғунлашган Silver Copper рангига бўялган. Бу ранг диққатга сазовор, чунки турли бурчакдан қараганда ҳар хил тусда товланади. Машина нодир ранги учун ҳам соврин олган. Мазкур ранг юздан ортиқ синов ва уринишлар натижасида ҳосил қилинган.