Доналд Трампнинг “Феррари”си 270 минг долларга сотилди

АҚШ президенти Доналд Трамп бир маҳаллар эгалик қилган қип-қизил Ferrari F430 Auctions America кимошди савдосида 270 минг долларга сотилди. Бу ҳақда Yahoo! News хабар қилмоқда.

Одатда бундай автомобиллар босган йўли, ҳолати ва қўшимча жиҳозларига қараб кимошдида 125-175 минг долларга сотилади. Бироқ Ferrari F430га машҳур шахс эгалик қилганлиги нархини бирмунча кўтарди.

Трампнинг мухлислари машинани кўриш учун навбатга туришди. Миллиардер уни ўзи миниш учун харид қилган, аммо бор-йўғи тўрт йил миниб, 3,8 минг км йўл босган. 2011 йилда “Феррари”нинг эгаси ўзгарган ва яна 9,6 минг км юрган.

Шу йилнинг 22 февралида Sotheby’s кимошди савдо уйи боксчи Майк Тайсоннинг 1997 йилда ишлаб чиқарилган Ferrari F50 автомобилини 3,8 млн долларга сотган.