DS 4S ва Гуангчжоу автосалонининг бошқа янгиликлари

Гуангчжоудаги автосалон Хитой даражасида ҳам эътиборга молик автотадбирлардан ҳисобланмайди. Шунга қарамай, компаниялар бу ерга бир қатор янги моделларни олиб келиб, тақдимотларини ўтказди.

Автосалоннинг энг ёрқин премьераларидан бири DS 4S хэтчбэки бўлди. Модель ҳозирча прототип мақомида намойиш этилди. Моделнинг жорий авлод версиясидан асосий фарқи — ғилдираклар базасининг сезиларли — 2617 миллиметрдан 2715 миллиметргача кенгайгани (қарийб Peugeot 408 седаниникидек).

DS 4S учта — қуввати 136 от кучидан 204 от кучигача, ҳажми 1,2, 1,6 ва 1,8 литрлик турбомоторлар билан таъминланади, узатмалар қутиси эса олти босқичли “автомат” бўлади. Хэтчбэкнинг узунлиги 4435 миллиметр — ўз аждодидан 160 миллиметрга узун.

Автомобиль салонида айтарли янгиликлар йўқ. Янги машиналар Шэньчжэндаги Changan-PSA қўшма корхонасида ишлаб чиқарилади, Хитойда 2016 йилнинг биринчи ярмидан савдога чиқади, бошқа бозорларга қачон чиқарилиши ҳақида ҳозирча ахборот йўқ.

Хитойда ишлаб чиқарилаётган Citroen C4 седани ҳам ҳозирча фақат Чин мамлакатида яшайди. Мазкур моделнинг дастлабки намойишлари бир неча ой аввал бўлиб ўтганди, Гуангчжоуда эса оммавий равишда ишлаб чиқариладиган автомобиль намунаси олиб келинди.

Кўзни қувнатадиган кузов остида EMP платформаси, ҳажми 1,6 литрга, қуввати эса 117 от кучига тенг двигатель ёки 1,2 литрли (136 от кучи) ва 1,6 литрли (167 от кучи) турбомоторлар яширинган.

Мультимедиа тизими мавжуд бўлса-да, салон анчагина оддий.

Кўргазманинг яна бир юлдузи — бир йилдан кейин сериялаб ишлаб чиқарилиши бошланиши кутилаётган BMW Compact Sedan’и бўлди.

Классик орқа узатма мазкур моделга татбиқ этилмайди — янги автомобиль Mini’нинг олд узатмали UKL платформаси устида қурилади.

Buick Verano — Хитой бозори учун мўлжалланган Opel Astra’нинг ўзи. Ташқи томондан асосий фарқи — радиатор панжараси ва эмблемада, бироқ Buick’нинг моторлари ўзиники — асосий версияс 118 от кучига эга 1,5 литрли атмосфера двигатели билан, GS модификацияси эса ҳажми худди шундай бўлган тўрт цилиндрли, 170 от кучига эга турбомотор билан таъминланади.

Интерьери эса Opel Astra’никидан деярли фарқ қилмайди.

Chevrolet Malibu XL — Америкада ишлаб чиқарилаётган Malibu’нинг “узайтирилган” версияси эмас. XL қўшимчаси Хитойда ҳали ҳам ишлаб чиқарилаётган Malibu’нинг эски версиясидан фарқлаш мақсадида қўйилган.

Chevrolet Lova RV компакт универсалии — Хитойдаги мотор-шоунинг тўлақонли дебютанти. Узунлиги 4,2 метр бўлган беш эшикли машина бизга Aveo номи билан таниш бўлган Gamma платформаси устида қурилган.

Дуруст ва истарали “уйча” 1,5 литрли, 109 от кучига эга двигатель билан таъминланган.

Салон эса оддийгина.

Honda ҳам бюджет автомобиллари ишлаб чиқармоқда. 2013 йилги намунадаги, Хитой учун мўлжалланган Crider модели Civic’дан каттароқ, бироқ Jazz мини-хэтчбэкининг арзон платформасида қурилган, капот остига эса қуввати 136 от кучига тенг 1,8 литрли атмосфера двигатели ўрнатилган.

Гуангчжоудаги автосалонда Honda Crider’нинг янгиланган варианти намойиш этилди: чироқлар, бамперлар ва радиатор панжараси ўзгарган, беш босқичли “автомат” ўрнига механик узатмалар қутиси ўрнатилган.

Интерьерда ўзгаришлар йўқ.

Янги Honda Elysion — алоҳида мустақил модель эмас, балки Odyssey минивэнининг нисбатан қимматроқ тури.

Асосий фарқлари — кузовнинг бошқачароқ безаклангани, чироқларнинг тўлиқ ёруғлик диодли экани ва асосий рақобатчи — ўлчамлари Toyota Alphard’никига ҳаддан ташқари ўхшаб кетадиган орқа чироқлардир.

Салонда чарм, “ёғоч”дан фойдаланилган, электр симлар жуда кўп. Капот остида эса 2,4 литрли (186 от кучига эга) дигатель.

Kia KX5 — янги модель эмас, аксинча, янги Sportage’нинг Хитой бозори учун мўлжаллангани. Эски авлод Sportage’лари Хитойда ҳали ҳам ишлаб чиқарилмоқда, шу сабабли Хитойда беш эшикли янги моделнинг фақат қиммат — 1,6 литрли турбомотор ва “робот” узатмалар қутиси билан таъминланган версиялари сотилади.

Бу Toyota Yaris асосидаги Leahead il электромобили. Кўплаб прототиплардан сўнг, хитойлик ва япониялик ҳамкорлар келаси йилдан GAC Toyota қўшма корхонасида оз серияда ишлаб чиқариладиган моделнинг якуний кўринишини намойиш этди.

Қуввати 95 от кучига тенг электромотор билан автомобиль, бир марта қувватлантирилганидан сўнг, 128 километр йўл боса олади. Мазкур автомобилни фақат лизинг асосида сотиш кўзда тутилган.

2015 йилги кўргазмада 6-авлод Mazda’лари нима қиляпти, деб ўйлаяпсизми? Хитойда бундай машиналар ҳали ҳам ишлаб чиқарилмоқда — мотори икки литр ҳажмдаги Zoom-Zoom’ни камида 20 минг долларга сотиб олишингиз мумкин.