Дунёда энг оммалашган кроссовер қайси?

Автомобиль соҳасига ихтисослашган Focus2move мустақил консалтинг фирмаси 2016 йилнинг энг харидоргир SUVлари рейтингини эълон қилди.

Биринчи ўрин Honda CR-V кроссоверига насиб қилди. Ўтган йилда 752,67 минг автомобиль сотилган бўлиб, 2015 йилги кўрсаткичдан 5,8 фоизга ортиқроқдир. Иккинчи ўринда Toyota RAV4. “Тойота” 723,99 мингта сотилган (+9,4 фоиз). Учликдан 639 минг дона сотилган Hyundai Tucson ҳам ўрин олган (+110 фоиз).

Ўнликдан Haval H6 (580,68 минг, +55,6 фоиз), Volkswagen Tiguan (519,66 минг, +2,7 фоиз), Nissan Qashqai (449,52 минг, +25,9 фоиз), Nissan X-Trail (412,73 минг, +8,0 фоиз), Nissan Rogue (373,44 минг, +14,2 фоиз) ва Ford Escape (371,13 минг -0,4 фоиз) кроссоверлари ҳам жой олган.

Иккинчи ўнликда Mazda CX-5, Jeep Cherokee, Hyundai Santa Fe, Хитойнинг GAC Trumpchi GS4 ва Baojun 560 кроссоверларини, шунингдек Honda HR-V, Toyota Highlander, Ford Explorer, Ford Edge ва Buick Envisionларни учратиш мумкин.

Консалтинг фирмаси мутахассислари SUV сегменти жадаллик билан ўсиб бораётганини қайд этди. Умумий бозорнинг тўртдан бири кроссовер ва енгил йўлтанламасларга тўғри келмоқда. 2016 йилда 2015 йилга нисбатан 20,2 фоизлик ўсиш кузатилган.