Дунёдаги автомобилларнинг энг зўр двигателлари аниқланди

АҚШ нашри Ward’s Auto жаҳондаги энг яхши 10 двигателни саралади. Рейтинг 22-марта ўтказилган бўлса-да, бу галгиси кутилмаган натижалар берди. Кучли ўнликка Volkswagenнинг бирорта двигатели кирмади, аммо гибрид мотор биринчи марта рўйхатдан ўрин олди.

Энг яхши двигатель номига даъвогар 31та агрегат қатнашди. Улардан 10таси ўтган йилги танловларда қатнашган. Шартга кўра бу двигателлар серияли ишлаб чиқарилган автомобилларга ўрнатилган бўлиши ва нархи 61 минг доллардан юқори бўлмаслиги лозим. Танлов шу йилнинг октябрь ва ноябрь ойларида Ward’s Auto муҳаррирлари бевосита иштирокида ўтди. Улар моторнинг қуввати, айлантириш моменти, тежамкорлиги, шовқинсизлиги ва бошқа хусусиятларини баҳолашди. Дизельгейт можароси туфайли танловдан Volkswagen четлаштирилди.

Танлов натижасига кўра илк марта Chevrolet Volt, Hyundai Sonata ва Toyota Prius гибрид двигателлари ўнликка кирди. Бундан ташқари, рўйхатдан иккита атмосферали V6, битта V8, иккита 4 цилиндрли турбомотор ва бошқа агрегатлар жой олди.

Ward’s Auto танловига кўра энг яхши двигателлар ўнлиги.

• 3.0 л. Turbo DOHC I-6 (BMW 340i)
• 3.6 л. DOHC V-6 (Chevrolet Camaro/Cadillac ATS)
• 1.5 л. DOHC 4-cyl./120-kW Drive Motor (Chevrolet Volt EREV)
• 5.2 л. DOHC V-8 (Ford Shelby GT350 Mustang)
• 2.0 л. DOHC 4 цил./50 кВт Drive Motor (Hyundai Sonata PHEV)
• 3.5 л. DOHC V-6 (Nissan Maxima)
• 3.0 л. Turbodiesel DOHC V-6 (Ram 1500 EcoDiesel)
• 2.0 л. Turbocharged DOHC 4 цил. Boxer (Subaru WRX)
• 1.8 л. DOHC 4-cyl./53-kW Drive Motor (Toyota Prius HEV)
• 2.0 л. Turbo/Supercharged DOHC 4 цил. (Volvo XC90)