Эчки расмини чизиш учун

Австралиялик тўрт велосипедчи GPS-навигатордан қалам ўрнида фойдаланди. Аниқроғи, ҳудуд харитасига босиб ўтган йўллари билан эчкининг расмини туширди.

Instagram ва ОАВда ёритилишича, эринмаган велосипедчилар бунинг учун 202 км йўл босган. Саёҳат учун олти соатдан кўпроқ вақт сарфланган. Уларнинг барчаси бир йўналишда ҳаракатланмаган, эчки расмининг қисмларини бўлишиб олиб, алоҳида-алоҳида чизишган.

Эчки мусаввирлари саёҳат давомида деярли тўхтамаган. Албатта, велосипед бузилиб қолган ёки енгил тамадди қилиш учун тўхталган вақтлар истисно.