Энди Nissan Micra янада тезкор бўлади (видео)

Nissan компанияси Micra русумининг янги авлодини сентябрда намойиш қилганди. Орадан ҳеч қанча вақт ўтмасдан тезкор японлар унинг жиҳозланган версиясини тайёрлади.

Рақобатчи сифатида Renault Clio R.S русуми нишонга олинган. “Ниссан Микра” қуввати 200-220 от кучига тенг француз автомобили билан беллашмоқчи.

Micraни компаниянинг Nismo бўлинмаси ишлаб чиқаради. Тезкор машиналар ясаш бўйича “Нисмо”нинг катта тажрибаси бор. Янги “Микра” эса чопағон бўлиши тайин. Унга 1,6 литрли, бензинли, 190 от кучига эга мотор ўрнатилади. Двигатели дамлаш (наддув) технологияси асосида ишлайди.

Кўп таърифлаб нима қилдик. Бир дақиқага бормайдиган қуйидаги видеолавҳани томоша қилинг, барчасини билиб оласиз.