Энг бақувват Range Rover 680 от кучига эга бўлди

“Қувватлантирилган” Range Rover Sport SVR синов-модели намойиши бўлиб ўтди.

Янгиланган Range Rover Sport SVR`ни аэродинамик тўсиқлари, жумладан, янги бампер, “ён этаги”, кенгайтирилган ғилдирак аркалари, ўзгача орқа спойлер(автомобиль ортига ҳаво қаршилигини енгиш ва безак сифатида ўрнатиладиган қанотсимон мослама) ва орқа диффузор (тутун чиқарувчи қувур) билан фарқланади. Шунингдек, автомобиль 22 дюмли (1 дюм – 2,54 см) ғилдирак диски ва Vredestein резиналари билан таъминланган.

Range Rover Sport SVR кроссовери капоти остига 5,0 литрли V8 двигатели жойлаштирилган бўлиб, унинг қуввати 550дан 680гача от кучини ташкил этиши мумкин. Бироқ Европадаги экологик талаблар туфайли мотор қуввати 630 от кучига қадар камайтирилади. Яхшиланган тюнерлар автомобиль динамик хусусиятларига яққол таъсир кўрсатмайди, бироқ улар стандарт Range Rover Sport SVR`дан яхшироқ бўлишини айтиш қийин эмас. Солиштириш учун: мазкур автомобиль биринчи 100 километр/соат тезликка 4,5 сония ичида эришади ва энг юқори тезлиги 260,7 км/с ни ташкил этади.

Range Rover Sport SVR тюнинги нархлари тўғрисида маълумотлар эълон қилингани йўқ.