Энг ҳашаматли Hyundai

Hyundai компанияси Genesis автомобиль русумлари линейкасини тўлақонли брендга ўзгартиришга қарор қилди. Hyundai расмий баёнотига кўра, янги Genesis модели иш унумдорлиги, дизайни ва инновацияси жиҳатдан дунёнинг энг зўр автомобиллари билан беллашади. Genesis маркасининг биринчи қалдирғочи G90 седани бўлиб, у ҳозирги Hyundai Equus ўрнини олади.

The Korean Car Blog нашрига кўра Genesis G90 седанининг кузови 51,7 фоизи мустаҳкам пўлатдан ясалади. Мижозларда машинанинг узунлиги 5,2 метр бўлган стандарт версияси ва 5,5 метр савлатли версияни танлаш имкони бор.

Асосий мотор 6 цилиндрли, 3,8 литрли бўлиб, 334 от кучига эга. Ундан бир поғона юқорида турувчи агрегат кўрсаткичлари эса 3,3 литр ва 370 от кучи. Двигателнинг энг кучлиси 5,0 литрли V8 бўлиб, 425 от кучини ўзида жамлаган. Барча моторлар 8 поғонали узатмалар қутиси билан ишлайди.

Ҳашаматли Hyundai автомобилининг стандарт жиҳозларига мослашувчан илмоғи (адаптивная подвеска), шовқинни сўндириш тизими ҳамда “автопилот” режимини киритиш мумкин.

Қизиғи шундаки, янги совринли бренд автомобиль нархи осмонга ўрламайди. Yonhap News Agency нашри билан суҳбатда Hyundai вакили янги автомобиль нархи аввалгисидан катта фарқ қилмаслигини айтиб ўтди.

Мазкур автомобиль йил охирига бориб EQ900 номи билан Жанубий Корея бозорида кўриниш беради, келгуси йил баҳорида эса Нью-Йорк автосалонида намойиш этилади.