Энг кичик “Фолксваген”нинг спортча модификацияси тайёр

Volkswagen энг кичик автомобилининг спортча ясатилган версиясини тақдим этди, унинг номи Up! яъни “Кўтар!”

Анъанага кўра спортча модификация номига GTI қўшимчаси тиркалди. Автомобилсозлар Up! динамик кўрсаткичлари билан энг биринчи Golf GTIни ҳам йўлда қолдиришини айтмоқда.

Компакт-карга бир литрли 115 от кучига эга турбомотор ўрнатилади. Вазни 997 кг бўлган машина юз тезликка чиқиши учун 8,8 сония керак. Golf GTI 9 сонияда юзга чиқарди.

Автомобилнинг расмий тақдимоти май ойининг охирида Австрияда ўтказилиши кутиляпти. Спортча Up! келаси йилдан бошлаб серияли ишлаб чиқарилади.