Эрон ва Беларус Dena номли арзон автомобиль ишлаб чиқармоқчи

Эроннинг Iran Khodro Company (IKCO) автокомпанияси ва белорусларнинг “Юнисон” автозаводи Dena ва Dena Plus автомобилларини ишлаб чиқариш бўйича шартнома имзолади.

“Интерфакс” агентлигининг ёзишича, қўшма корхона Dena ва Dena Plus автомобилларидан мингта ишлаб чиқаради. Яқин 5 йил ичида эса 5 минг автомобиль конвейердан чиқади.

IKCO автомобиллари Евроосиё иқтисодий иттифоқи бозорига чиқади, Белоруссиянинг ўзидагина эмас, Россия ва Қозоғистонда ҳам сотилиши мумкин.

Хўш, Ўзбекистонда шарбат номини англатувчи “Дена” қандай автомобиль? Dena бу Soren русумининг люкс версияси бўлиб, кузов панеллари ва салони ўзгачалиги билан ажралиб туради. Soren эса Samand номининг ўзгартирилганидир. Эрон русумларининг илдизи Peugeot 405га бориб тақалади.