Етти йилдан бери Европанинг энг харидоргир автомобили бўлган Volkswagen Golf мавқеини бой берди

Volkswagen Golf автомобили етти йил мобайнида Европанинг энг бозори чаққон автомобили номига сазовор бўлиб келди. Аммо бу йилнинг мартида ўрнини Ford Fiesta хэтчбекига бўшатиб берди. Бу ҳақда JATO Dynamics компанияси ёзмоқда.

Volkswagen Golf шу тариқа иккинчи ўрин билан кифояланди. Учинчи поғонадан фирмадоши Volkswagen Polo жой олди.

Харидоргир машиналар бешлигидан Renault Clio ва Opel/Vauxhall Corsa русумлари ҳам жой олган. Ўнликда эса Ford Focus, Opel/Vauxhall Astra, Peugeot ва Renault Captur автомобилларини учратиш мумкин.

Ўтган йили савдо ҳажми қисқарганлигига қарамасдан Golf Европа автобозорида етакчиликни қўлдан бермаган эди.