Эвакуатордаги автомобиль жаримага тортилди

Россия Федерациясининг Татаристон республикасида истиқомат қилувчи ҳайдовчи, август ойининг ўрталарида, унинг эвакуаторда бўлган Hyundai автомобили тезликни оширгани учун жаримага тортилган. Албатта, жуда кулгили ҳолат. Фоторадарда олинган суратда эвакуаторда 82 км/соат (60 км/соат тезлик рухсат этилган йўлда) тезлик билан ҳаракатланаётган автомобилни кўриш мумкин. Йўл ҳаракати хавфсизлиги давлат инспекциясида (ГИБДД) ушбу ҳолат бўйича техник муаммолар сабаб қилиб кўрсатилган. Бироқ ҳайдовчининг ёзишича, текширув бир ойгача чўзилган ва натижада эвакуатор ҳайдовчиси жаримага тортилган.