Европада Хитой автомобиллари ишлаб чиқарилади
Ҳа, сарлавҳани ўқишда адашмадингиз, Хитойда Европа автомобиллари эмас, Европада Хитой автомобиллари ишлаб чиқарилади. Volvo Cars компанияси Белгиядаги заводда Lynk&Co Хитой маркаси авторусумларини ишлаб чиқаради. Бунга яна бир йил бор.
“Волво”чилар Европага кириб келган Хитой маркасининг келажагини юқори баҳолаяпти. Йилига нечта автомобиль ишлаб чиқарилиши эса аниқ айтилгани йўқ.
Эслатиб ўтамиз: Белгиянинг Гентасидаги завод 1965 йилдан бери “Волво” автомобилларини ишлаб чиқаради. Ҳозир у ерда Volvo XC40, V40 ва V40 Cross Country ва S60 русумлари тайёрланмоқда.
Lynk&Co бу Volvo ва Geelyнинг қўшма брендидир. Унинг биринчи маҳсулоти 01 кроссовери бўлиб, 2016 йилнинг кузида илк бора тақдим этилган.