Европада яна бир водородли машина ишлаб чиқарувчиси пайдо бўлди

Британиянинг ёш Riversimple фирмаси водородли двигателт билан ҳаракатланадиган ўзининг илк модели тизерларини намойиш қилди. Янги автомобиль тақдимоти 17 февраль куни бўлиб ўтади.

Автомобиль оғирлиги 520 килограммни ташкил этади. У ҳар бир ғилдираги учун алоҳида 8,5 киловатлик ёнилғи катакчаларига эга тўртта электромотор билан таъминланган. Шунингдек, автомобилга тормозланиш вақтида энергия ишлаб чиқариш тизими ҳам ўрнатилган.

Янги машина турган жойидан соатига 89 километр тезликка чиқиши учун 9 сония сарфлайди, унинг бир марталик захира билан босиб ўтадиган энг узоқ масофаси 483 километрни ташкил этади. Ёнилғи бакининг водород билан тўлдирилиши учун эса уч дақиқадан кўпроқ вақт талаб қилинади.

Еврокенгаш томонидан молиялаштириладиган Riversimple фирмасининг илмий-тадқиқот маркази Уэльсда, дизайн-студияси эса Барселонада жойлашган. Дастлабки босқичда британлар 20та прототип ишлаб чиқариб, уларни 12 ой давомида синовдан ўтказишади. Синовлар якунига етганидан кейин эса Riversimple маҳсулот автомобилини ишлаб чиқариш устида иш бошлайди.