Европанинг энг бозори чаққон автомобиллари аниқланди

Focus2Move ихтисослашган нашри Европа бозорида энг яхши сотиладиган автомобиллар рўйхатини тузди. Экспертлар бу гал 2016 йилнинг учинчи чораги савдо натижаларига асосланди.

Бирини ўринни Volkswagen Golf олганига ҳеч ким ҳайрон қолмади. Чунки бир неча йилдан бери Golf етакчиликни бошқага бергани йўқ. Бу йили 462,8 нусха сотилди.

Иккинчи ўрин ҳам “Фолксваген”чиларга насиб қилди. 307,1 минг нусха Volkswagen Poloни европаликлар харид қилган. Учликни 282 мингта сотилган Renault Clio якунлайди.

Тўртинчида Ford Fiesta, бешинчида Opel Corsa автомобиллари бўлиб, улар мос ҳолда 244,9 ва 221,4 минг нусхадан сотилган. Қизиғи шундаки, ўтган йили ҳам худди шу автомобиллар айни тартибда рўйхатни ташкил этганди.

Ўтган йили ўнинчи поғонадаги Peugeot 208, бу йили олтинчига кўтарилди. Хэтчбек 210,6 мингта сотилди. Еттинчидаги чех русуми Skoda Octaviaни 209 минг харидор олган.

Бундан ташқари ўнликда Nissan Qashqai (208,1 минг), Opel Astra (189,1 минг) ва Ford Focus (188,8 минг) машиналарини учратиш мумкин.