Европанинг энг ишончли автомобиллари аниқланди

Германиянинг “Техник назорат ассоциацияси” (TUV) навбатдаги (йигирма биринчи) рейтинг натижаларини эълон қилди. Бу рейтинг енгил автомобилларнинг ишончлилигини аниқлаб, Европадаги энг нуфузли хулосалардандир.

10 млнга яқин автомобилга оид маълумотлар жамланиб, уларда энг кўп учровчи камчиликлар аниқланди. TUV  инспекторлари автомобилларнинг 100дан ортиқ параметрларини кўздан кечирди, бироқ энг асосий 18тасини рейтингда ҳисобга олди. Улар двигатель, узатмалар қутиси, шасси, осма, юриш қисми, руль бошқаруви, ёритиш, тормоз ва тутун чиқаиш тизимига оид камчиликлардир.

Икки ва уч йиллик автомобиллар орасида Mercedes-Benz SLK энг ишончлиси деб топилди. Ундан сўнг навбати билан Volkswagen Golf Sportsvan, Mercedes B-класса, Mercedes GLK, Mazda 2, Mrcedes M-класс, Opel Mokka автомобиллари, шунингдек, Audi A1, Q3 ва Q5, Porsche 911, Volvo V40 келади.

Тўрт ва беш йиллик машиналар ўртасида Mercedes-Benz B-класс, Porsche 911, Mazda CX-5, Audi Q5, Mercedes SLK, Seat Mi, Audi TT, Mercedes GLK, Opel Agila ва Mercedes M-класс энг ишончлиларидир.

6-7 йиллик машиналар орасида энг камчилиги оз бўлгани Porsche 911, Audi Q5 ва TT, Honda CR-V, Mazda 3, BMW X1, Kia Venga, VW Golf Plus, Audi A4/A5 ва Ford Fusion бўлиб чиқди.

Ундан ҳам эскироқ машиналар орасида эса Porscheга етадигани топилмади.

Аввалроқ ишончли автомобилларнинг Америкача версияси чоп этилган эди. Унда Kia Niro, Subaru BRZ, Toyota 86, Lexus ES ва GS, Audi Q3, Toyota RAV4, Lexus IS, Toyota Prius V ва C ҳамда Infiniti Q70 автомобиллари энг ишончли деб топилган.