Faraday Future электромобиллар учун энг сиғими юқори батарея ишлаб чиқармоқчи

АҚШнинг Faraday Future компанияси Жанубий Кореянинг LG Chem кимё фирмаси билан ҳамкорлик шартномаси имзолади. Икки компания бир бўлиб энергияни энг кўп сақловчи литий-ионли батарея ишлаб чиқаришга бел боғлади.

LG Group таркибига кирувчи LG Chem General Motors, Audi, Tesla Motors ва бошқа кўплаб автомобилсоз компаниялар билан ҳамкорлик қилади.

Faraday Future ва LG Chem Variable Platform Architecture (VPA) модул платформасида фойдаланиш мақсадида махсус ишланган аккумуляторлар учун кимёвий асос тайёрлайди. Бўлажак Хитой-Америка серияли машиналари ушбу шассида қурилади. Архитектура ҳар хил моторларни ишлатиш, якка ёки тўла узатмали русумларда фойдаланиш имконини беради.

Faraday Future компаниясининг бошланғич лойиҳаси 2016 йилнинг бошида тақдим этилган FFZERO1 суперкарининг прототипидир. Нишона нусхага умумий қуввати минг от кучига тенг бўлган тўрт электромотор ўрнатилган бўлиб, уч сонияга етмасданоқ юз тезликка чиқади. Максимал тезлиги соатига 320 км.

Аввалроқ, Faraday Future компанияси серияли электрокар ишлаб чиқариши учун 1 млрд евродан ортиқ сармоя киритилиши ҳақида хабар тарқалган. “Фарадей Фючер”, бундан ташқари, электрли кроссовер ишлаб чиқаришни мўлжаллаяпти.