Fiat Tipo Estate универсалининг суратини расман кўрсатди

Италиянинг Fiat компанияси Tipo Estate универсалининг суратини ва техник характеристикаларини ошкор қилди.

Тасдиқланмаган маълумотларга кўра, автомобиль номи Tipo Estate ёки Tipo SW бўлиши мумкин. Ҳозирча, аниқ бир номда тўхташгани йўқ. Машинанинг тасвирига қарасак, кузовнинг орқа қисми бироз ўзгарганини сезамиз. Диодли чироқлари бумеранг шаклида. Орқа ойнатозалагич бу сегментдаги автомобилларда қўлланмаган. Оилапарвар эркакларга юкхона бўлмаси маъқул келиши табиий, чунки машина габарити ихчам бўлса-да, бўлма 550 литр сиғдиради.

Комплектациясига қараб Tipo Estate русумига 1,4 литрли (95 от кучи) ва 1,6 литрли (110 от кучи) двигателлар ўрнатилади. Иккала версияда ҳам механик ҳам автоматик трансмиссия бўлади.

Универсал Женевада намойиш этилади. Фиат шу қаторда Tipo Hatchback, 124 Spider родстери, Fullback пикапи ва 500 Sport спорт автомобилини ҳам намойиш этишни мўлжаллаяпти.