Fiatнинг ҳамёнбоп янги седани
ВАЗ-09га ўхшайдиган бу седаннинг номи Tipo деб аталади. Fiat Tipo Дубай автосалонида кўрсатилди ва техник тавсифлари келтириб ўтилди.
Бренд вакиллари янги автомобиль Осиё мамлакатлари учун ишлаб чиқарилганини, шунингдек, Яқин Шарқ ва Европага ҳам етказиб берилишини айтиб ўтдилар.
Автомобиль янгиликларига оид блогларни кузатиб борувчи ашаддий автоҳаваскор қизиқувчилар Fiat Tipo билан олдиндан таниш эди. Чунки аввал Туркиядаги тадбирда Egea номи билан намойиш этилган эди. Бу сафар автоинженерлар транспорт воситасининг габаритига урғу берган – 510 литр ҳажмга эга ҳашаматли юкхонаси бор.