Ford дизайнерлари 3D кўзойнакда автомобиль чизмоқда (видео)

“Форд” дизайнерларининг машина элементларини чизиш вақти кунлардан дақиқаларга қисқарди. Янги усулда компонентларнинг турли вариантларини худди автомобилга ўрнатилган ҳолатдагидек кўздан кечириш ва баҳолаш мумкин. Бу конструкцияни лойиҳалаш вақтини янада қисқартиради. Масалан, ён кўзгунинг корпус кўринишига таъсирини баҳолашга кунлар ва ҳафталар сарфланарди. Аралаш воқелик технологияси буни саноқли дақиқаларда амалга ошириш имконини туғдиради.

Дизайнерлар сопол модел ва голограммани уйғунлаштиришни ҳам ўрганиб олди. Голограмма гарнитурасида лойиҳавий машинанинг тузилишини миридан сиригача синчиклаб текшириш мумкин. Бу ишда 3D кўзойнак қўл келади. У реал вақтда дунёнинг исталган жойидан турганча тўла ўлчамдаги моделни кўздан кечириш имконини яратади.

3D кўзойнак Россиядаги Ford Sollers заводида ҳам қўлланади. Ходим омборда керакли нарсани қидирганда унинг назарига тегишли ассортимент тушади ҳамда унинг миқдори акс этади. Навигацион стрелка унинг олдига бошлаб боради.