Ford F-150 пикапининг дизель версиясини яширинча видеога олишди

Шу кунларда Ford F-150 пикапининг дизель версияси йўлда синалаётган пайтида фотоайғоқчилар ўғринча видеога ёзиб олишди. Машинанинг бир қисмига ниқоб қопланган. Мутахассислар машина кузовида кичик ўзгариш борлигини пайқашди. Даставвал, махфий видеочилар йўлда кетаётган автомобиль мумтоз (классик) пикапнинг сал ўзгартирилган версияси бўлиб чиқишидан шубҳаланишди. Аммо бу шубҳа хато бўлиб чиқди.

Танқидчилар Ford F-150нинг дизель версияси бензинлисидан умуман фарқ қилмаслигига урғу беришяпти, агар мотор товуши эътиборга олинмаса адаштириш ҳеч гап эмас. Америка компанияси EcoDiesel двигателини ўрнатишни ваъда бермоқда. Гап-сўзларга қараганда, F-150га 3 литрли V6 мотор ўрнатилади, у юз кмга 8 литр ёнилғи сарфлайди.