Ford Focus ST раллига тайёрланди

Автомобилнинг тюнинг версиясини SEMA кўргазмасида кўрсатилади.

Ford компанияси Focus STнинг тайёр махсус версияси расмини кўрсатди. Расмий тақдимот шу йилнинг 3 ноябр куни Лас-Вегасдаги тюнинг-шоуда бўлиб ўтиши кутилмоқда. Раллида қатнашадиган автомобиль Rally Innovations компанияси билан ҳамкорликда ишлаб чиқарилган.

Раллибоп Ford Focus ST учқур автомобилининг ўзига хос томонлари – “тажовузкор” олд қиёфаси, алюминий ҳавокесар тўсқичи (сплиттер), кенгайтирилган ғилдирак аркалари, ён этаги ва каттакон антиқаноти. Капот қопқоғи, 19 дюймли Rays 57 Xtreme ғилдирак дисклари, радиатор панжарасидаги нурли диодлар йўли янгиланган.

Ford интерьер расмини кўрсатмади, аммо Cusco/Bride Euroster II+ C пойга ўриндиғи, тўрт қатор хавфсизлик камари, хавфсизлик каркаси ва Sony мультимедиа тизими билан жиҳозланиши маълум. Вазнни камайтириш мақсадида орқа ўриндиқ ҳам ўзгарди.

Ford Focus ST сотувга чиқарилишидан дарак йўқ.