Ford компанияси Bronco йўлтанламасига қайта “ҳаёт бағишлайди”

Ford компанияси Мичигандаги заводида янги авлод Bronco йўлтанламасларини ишлаб чиқаришни режалаштирмоқда. Бу ҳақда, Америка автосаноати ишчилари касаба уюшмаси бўлинмаларидан бири раҳбари Билл Жонсонга асосланиб, Detroit Free Press нашри хабар бермоқда.

Нашр АҚШ президентлигига Республикачилар партиясидан номзод Дональд Трампнинг сўзларига муносабат билдиришни сўраб, Жонсонга мурожаат қилган эди. Трамп 2015 йил сентябрида Ford компаниясини компакт моделлар ишлаб чиқаришни Мичигандаги заводдан Мексикага кўчираётгани учун танқид қилган эди.

Биринчи авлод Ford Bronco йўлтанламаси (1966-1977)

Жонсоннинг сўзларига кўра, ишчилар “Форд”ларни ишлаб чиқариш Мексикага кўчирилаётганини кўришдан хурсанд эмас, бироқ Мичигандаги заводда Bronco’ларнинг йиғишни бошлаш ходимларда эртанги кунга бўлган ишончни тақдим эта олади. Ҳозирги вақтда заводда 3700 киши меҳнат қилмоқда.

Бешинчи авлод Ford Bronco йўлтанламаси (1992-1996)

Уч эшикли Ford Bronco йўлтанламаси 1966 йилдан 1996 йилга қадар ишлаб чиқарилган бўлиб, беш марта авлод алмаштирган. Моделнинг қайта “туғилиши” ҳақидаги миш-мишлар бундан аввал ҳам бир неча марта тарқалган. Ford 2004 йили Bronco’нинг концептини намойиш этган эди, бироқ якунда классик моделнинг замонавий версиясини ишлаб чиқариш номаълум муддатга қолдирилган эди.