Ford заводда экзоскелетларни ишга соляпти (видео)

Экзоскелет инсоннинг имкониятларини бир неча бараварга ошириб, уни салкам киборгга айлантиради. Бундай организмлар бугун фантастик кинодан ташқарига чиқиб, одамларга хизмат қилмоқда. Ford компанияси ўз ишчиларига экзоскелет либослар кийдириб ишлата бошлади.

Ишчи танасидаги экзоскелет ёрдамида оғир юкларни ҳам бемалол кўтара олади. Экзоскелет ишчининг умуртқаси ва елкасини зўриқишдан асраб, иш вақтида жароҳатланиш хавфини камайтиради. 

Экзоскелетни ишлаб чиқаришга татбиқ этишдан мақсад фойда олишгина эмас. Аҳолишуносларнинг айтишича, 2020 йилга бориб Европа аҳолисининг тўртдан бирини 60 ёшдан ошган кишилар ташкил этади. Экзоскелет эса биринчи навбатда катта ёшли ишчиларга ва таянч-ҳаракат аппаратида касаллиги бор одамларга ёрдамга келади. Европада бундай касалликлар кенг тарқалган.

Экзоскелетлар титан ва углерод толасидан тайёрланган. Конвейер ишчилари 3 кгдан ортиқ нарсаларни унинг ёрдами билан кўтаришади.