Франкфурт автошоусида энг кўп эътиборга тушган моделлар

Франкфуртда ўтаётган автошоу бу йил ҳам анча қизиқ кечмоқда. Бу йилги автошоунинг олдингиларидан катта фарқи бўлмаса-да, ўзига хос янги фаворитларсиз бўлмади бу йил ҳам.

Жумладан, BMW бу сафар ўзининг 5 та модели билан қатнашди. Бу моделлар орасида кўпчиликнинг эътиборини иккита янги немис машинаси тортди. Булар янги модел Х7 ва 750 iХd’лардир.

BMW X7

Х7 ўзига хос услубда, аммо дизайни бошқа ўз рақибларидан кўп ҳам фарқ қилмайди. Бу моделни Range Rover HCE Sport, Mercedes GLE (Бу ҳам Франкфурт фаворитларидан бири) ва Porsche Macan C билан бир қаторга қўйиш мумкин. Сўнгги йилларда SUV Sport сегменти оммалашиб бораётгани ортидан бундай моделларни кўп компаниялар ишлаб чиқариш тараддудига тушганлари аниқ! Бу компаниялар орасида Bentley, Maserati, Lamborghini каби олий табақа брендларнинг ўз маҳсулотлари билан кириб келаётганларини эслатиб ўтиш мумкин. Шуни ҳам қайд этиш лозимки, бу сегментни, яъни спорт кроссовери тоифасини 1997 йил биринчи маротаба Мерcедес ўзининг ML430 модели билан бошлаб берган эди. Кейинроқ 2000 йил BМW ўзининг Х5 Спорт моделини намойиш қилди. Сўнгра Аudi 2003 йил Q7 Quattro ва айнан ўша йили Porsche Cayenne S версияларини оммага намойиш қилди.

Ferrari 488

Автошоунинг яна бир қизиқ премьераси бу Ferrari 488 GTBдир. Компания бош ихтирочиси бу моделни икки қутб кесишган нуқта, деб таърифлади. Mашина Ferrari LaItalia ва Ferrari 458 Italia оралиғида ихтиро қилинган бўлиб, 611 от кучига эга 8 цилиндрлик мотор билан жиҳозланган. У бир вақтнинг ўзида электр қуввати билан ҳам ҳаракат қила олади.

Қуйида Франкфурт автошоусида намойиш қилинган янги премьераларни эслатиб ўтаман:

Lamborghini Hurricane;

Bentley Bentayga;

Rolls Royce;

Audi E-Tron Quattro;

Jaguar F-Pace;

Infinity Q30;

Mercedes S-Coupe Convertable 63AMG;

BMW X7.

Bentley Bentayga

BМW Х7 каби кроссоверлар кўпчиликнинг эътиборини тортмоқда. Эслатиб ўтамиз, бу моделларнинг кўпчилиги 2017 йил охирида сотувга чиқарилиши кўзда тутилган.