GM Uzbekistan жорий йилнинг 4 ойида РФда 6,1 мингта машина сотган

GM Uzbekistan АЖ 2016 йил январь-апрель ойларида Россияда 6,1 минг дона автомобиль сотишга муваффақ бўлган, бу ўтган йилнинг шу даврига нисбатан 14 фоиз кам демакдир, деб хабар қилган Европа бизнеси ассоциацияси автомобилсозлар қўмитаси, деб ёзмоқда Kun.Uz.

2016 йил апрелида компания дилерлари 1571та машина сотган, бу эса 2015 йил апрель ойига қараганда 5 фоиз кам демакдир.

Умуман, GM Uzbekistanнинг Россия автомобиль бозоридаги улуши ҳисобот даври мобайнида 1,4 фоизни ташкил этган. Бу борада ўтган йилги кўрсаткич ўзгармаган.

2016 йил дастлабки 4 ойи якунларига кўра, GM Uzbekistan АЖ автомобиллар савдоси ҳажми бўйича 17 ўринни эгаллаган.

Gentra модели январь-апрель ойи якунларига мувофиқ, энг яхши сотилган машиналар рўйхатида 25 ўринни эгаллаган. Апрель ойида бир поғонага кўтарилган. GM Uzbekistan 4 ой мобайнида айни моделдан 4386 дона сотишга эришган, апрель ойининг ўзида 1078 та сота олган.