GM Uzbekistan президенти 1 январдан GM India`га раҳбарлик қилади

GM Operations`нинг Ўзбекистондаги президенти ва директорлар кенгаши раиси Кахер Казем 2016 йилнинг 1 январидан GM`нинг Ҳиндистондаги бўлинмасининг  директорлар кенгаши раҳбарлиги лавозимида фаолият кўрсатишни бошлайди.

Ҳиндистондаги The Economic Times нашри хабарига кўра, GM Uzbekistan раҳбари мазкур лавозимда икки йилдан буён фаолият кўрсатиб келаётган Арвинд Саксенанинг ўрнини эгаллайди.

Маълумот учун, GM India сўнгги беш йил ичида 10та моделни ишлаб чиқаришни ўзлаштириш ҳамда автомобилларни ташқи бозорларга етказиш ҳажмини оширишни режалаштирмоқда. 2015 йилнинг июль ойида АҚШнинг General Motors компанияси Ҳиндистондаги амалиётлар даражасини ошириш мақсадида бош операцион директор лавозимини ташкил этиб, GM Operations`нинг Ўзбекистондаги президенти ва директорлар кенгаши раиси Кахер Каземни ушбу лавозимга тайинлаган эди.