GM Uzbekistan Санкт-Петербургда автомобиллар ишлаб чиқармайди

Санкт-Петербургдаги General Motors’нинг иши вақтинчалик тўхтатиб қўйилган заводи қувватларидан фойдаланишга икки автомобиль компанияси даъвогарлик қилмоқда. Бу ҳақда Санкт-Петербург шаҳрининг саноат сиёсати ва инновациялар бўйича қўмитаси раиси Максим Мейксин хабар берди, деб хабар қилмоқда Kun.uz.

Унинг умид қилишича, заводни қайта ишга тушириш бўйича қарор 2018 йилнинг биринчи ярмида қабул қилинади. 

Музокаралар икки ишлаб чиқарувчи билан ўтказилмоқда, улар орасида GM Uzbekistan йўқ, деди Мейксин. Аввалроқ, Россия Федерацияси саноат ва савдо вазири Денис Мантуров GM Uzbekistan’нинг Санкт-Петербургдаги GM заводи билан ҳамкорлик режалари ҳақида гапирганди.

«Ўзбекистонда бўлганимизда, бу саноат вазири Денис Мантуровнинг ушбу масалани ишлаб чиқиш ғояси эди, бироқ ўзбек ҳамкасбларимиз губернатор делегацияси билан бўлганимизда ушбу мавзуни ҳаттоки кўтаришмади. Биз бошқа ишлаб чиқарувчилар билан музокаралар олиб бормоқдамиз», - дея айтиб ўтди Мейксин.

Бир компания Санкт-Петербургда автомобилларнинг фақат битта маркасини, бироқ катта тиражда йиғишни таклиф этаётган бўлса, бошқа компания бу заводда катта ассортиментни, аммо кичик ҳажмларда йиғишни хоҳламоқда, дея аниқлик киритди у.

Мейксиннинг билдиришича, Петербургда GM заводини қайта ишга тушириш бўйича қарор 2018 йилнинг биринчи ярмида қабул қилинади.