GMнинг Россиядаги савдоси 51%га пастлади

Шу йилнинг январидан сентябригача GM автомобилларининг Россия Федерациядаги савдоси 51%  фоизга тушиб кетиб, 15498 тани ташкил этди. Бу ҳақда Европа бизнеси Ассоциацияси автоишлаб чиқарувчилар Қўмитаси хабар қилади.

2015 йилнинг сентябрида корхона Россия бозорида 1746 автомобилни сотган, бу ўтган йилнинг сентябр ойига нисбатан 26 фоизга камдир, деб айтилади қўмитанинг хабарида. Шу даврда Россия бозорида GM Uzbekistanнинг улуши 1,3 фоиз бўлган, ўтган йилнинг айни даврида эса 1,8 фоизни ташкил қилган эди. Тўққиз ой сарҳисобига кўра Россия бозорларида автомобиль сотиш бўйича GM Uzbekistan 19-ўринни эгаллайди. Ҳисобот тайёрланган вақт мобайнида GM Uzbekistanнинг бирорта модели энг кўп сотиладиган автомобиллар 25талигига кира олмаган.