Hyperloopдан янада кўпроғини кутинг

Ўтган йилнинг ёзида Hyperloop One компаниясидан бўшаган инженер Броган Бамброган қўл қовуштириб ўтирмасдан Arrivo номли ўз компаниясини тузди. Бу компания ҳам “Гиперлуп” сингари товушдан тез ҳаракатланувчи транспорт тизими ясашга ихтисослашган.

Броган Бамброган сметалар тузилгани, харажатлар ҳисоблангани, сармоячилар лойиҳани молиялашга тайёр турганини билдирди. Энди бўлажак мижозларни топиш ва жалб этиш қолди. Бошламасига йўловчиларни эмас, юкни ташиб синовдан ўтказиш энг тўғри йўл бўлади.

Бамброган бунга қадар SpaceXда ишлаган, сўнг Hyperloop One лойиҳасига ўтган. 2016 йилда компания раҳбариятини меҳнат қонунчилигини бузганликда айблаб судлашган. Можаро бости-бости қилиб юборилган ва Броган ишни тарк этган.

Шундай қилиб келажакда Hyperloopга рақобатчи Arrivo номли тезкор транспорт пайдо бўлиши мумкин.