Hyundai маркасидан янги Celesta седани

Хитойнинг Гуанчжоу шаҳрида корейс маркасининг янги седани намойиш этилди. Уни хитой матбуоти Verna седанининг “ака”си деб номлади. Verna бизга Solaris номи билан таниш. Ҳақиқатан, “Селеста” кузови оригинал ишланган бўлса-да, “Верна”ни эслатади.

Celesta ва Vernaни таққослаймиз. Янги машинанинг ғилдираклар базаси 2650, “Верна”ники 2600 мм. Узунликлари 4510 ва 4380 мм.

“Селеста”га 1,6 литрли 123 от кучига эга мотор ўрнатилади. 6 поғонали автоматик ё механик қути билан ишлайди. Салони ҳақида бирор янгилик айтиш мушкул, чунки автошоуда қорайтирилган ойнали нусхаси намойиш этилди.

Celesta Beijing Hyundai корхонаси билан ҳамкорликда ишлаб чиқарилади. Савдога эса келаси йилнинг ёзи ёки кузидан чиқади. Ҳозирча, Хитойдан бошқа давлатда сотилиши мавҳум бўлиб турибди.