Hyundai’нинг энг кичик моделларидан бири янгиланди
Hyundai компанияси i10 хэтчбекининг рестайлинг қилинган версияси суратларини интернет тармоғида улашди.
Моделлар қаторидаги энг кичик автомобиллардан бирининг янгиланган версияси сентябрь ойида ўтказиладиган Париж автосалонида оммага намойиш этилади.
Hyundai i10 моделининг дизайнига ва техник параметрларига бир нечта ўзгартиришлар киритилган. Масалан, автомобилда янги бамперлар, ёруғлик диодли чироғлар, 14-дюймли янги дизайндаги дисклар ва янги орт оптика пайдо бўлган.
Салонга эса 7-дюймли сенсорли экранга эга Apple CarPlay ва Android Auto сервисларини қўллаб-қувватлайдиган янги мультимедиа тизими ўрнатилган. Моделнинг қимматроқ версияларида стандарт ҳолатда бўладиган комплекс навигация тизими ва тирбандликларни мониторинг қиладиган хизматга 7 йиллик бепул обунани ҳам ўз ичига олади. Бундан ташқари, янги i10 автомобили олд тўқнашувларни бартараф этадиган ва эгалланган йўл қаторидан чиқиш тўғрисида огоғлантирадиган тизимлар билан таъминланган.
Мотор кўрсаткичлари эса ўзгармаган. Автомобиль аввалгидай 1,0 ва 1,25 литрли двигателлар, 5 поғонали механика ва 4 поғонали автомат коробка билан таклиф этилади.
Ушбу хэтчбек Hyundai’нинг Европа бозорида сотиладиган энг кичик машинаси ҳисобланади. Шунингдек, Ҳиндистон, Жанубий-шарқий Осиё ва Лотин Америкасининг баъзи мамлакатларида Hyundai компанияси i10 моделидан бироз қисқароқ Hyundai Eon хэтчбекини ҳам сотувга чиқарган.