Hyundai ва Mazda энг сифатли автомобиллар деб топилди

Германиянинг Auto Bild нашри йиллик “Сифат ҳисоботи” рейтингини эълон қилди. Статистика турли манбаларга асосланиб тузилган

Энг сифатли йигирмата автомобилни танлашда Auto Bild муҳаррирлари ўқувчилар фикрига, TUV техник кўрик статистикасига, ҳар хил тақриз маълумотларига, узоқ муддатли тест натижаларига, муштарийлардан тушган шикоятларга ва автомобилсозларнинг кафолат мажбуриятларига таянишган.

Бу йили рейтинг юқорисида Hyundaiни кўриб турибмиз. У беш йил аввалги етакчиликни қайтариб олди: 2010 ва 2011 йилларда ҳам корейс автомобили энг сифатли деб топилган. Кейинроқ Mazda унинг ўрнини олиб қўйган.

Учликда Mini автомобилига ҳам жой топилди. Mini биринчи марта тадқиқотда иштирок этяпти. Тўртинчи ва бешинчи ўринлар ҳам осиёлик автомобилсозларга насиб этди: “Киа” ва “Тойота”.

Немис нашри Skoda ва Volkswagen сифати паст бўлиб чиққанидан таассуф билдирди. Шунингдек, йигирматаликка японларнинг Honda маркаси ҳам кира олмади.

Энг сифатли йигирма автомобиль

1-2. Hyundai

1-2. Mazda

3. Mini

4-5. Kia

4-5. Toyota

6. Volvo

7-8. Mercedes

7-8. Opel

9. Nissan

10-11-12. Audi

10-11-12. BMW

10-11-12. Dacia (Renault)

13. Ford

14. Renault

15. Peugeot

16. Fiat

17-18. Citroën

17-18. Seat

19-20. Skoda

19-20. Volkswagen