Илон Маск Tesla’нинг бир неча минглаб ходими ишдан бўшатилишини маълум қилди

Tesla автомобиль ишлаб чиқарувчи компанияси асосчиси Илон Маск 9 фоиз ходимини қисқартиришни режалаштирмоқда, деб хабар беради Daryo.uz.

Ушбу чора компания харажатларини қисқартириш ва уни фойдага киргизиш учун қилинмоқда.

Маск ходимлар сонининг қисқариши Model 3 ишлаб чиқариш бўйича кўрсаткичларга эришишга таъсир кўрсатмаслигини таъкидлаган.

Аввалроқ у июнь охирига қадар ҳафтасига беш мингта Model 3 ишлаб чиқаришни режалаштираётганини айтган эди.

Маълумот учун, ҳозирги кунда Tesla’да қарийб 46 минг киши ишлайди. Шу тариқа, компаниядаги қисқартириш туфайли тўрт мингдан ортиқ ходим ишдан бўшатилади.