Jaguar бир туркум экологик кроссоверлар ишлаб чиқаради
2020 йилга қадар “Ягуар” тўрт “яшил” автомобиль тайёрламоқчи. Биринчиси F-Pace кроссовери асосида яратилган Jaguar J-Pace бўлади.
Дастлабки хабарларга кўра, у электрокроссовер эмас, гибрид моторли бўлади. Аниқроғи, икки литрли турбодизел ва электромотор ўрнатилади.
Янги кроссовернинг жуссаси Jaguar F-Paceдан кўра йирикроқ бўлади. Ишлаб чиқарилиши 2018 йилга мўлжалланмоқда. Шунингдек, ягуарчилар E-Pace ва I-Pace товар номларини қайд этишгани маълум бўлди. Улар икки янги кроссоверга тегишли бўлиб, янги платформада қурилади. Jaguar J-Paceдан фарқли ҳолда икки компакт кроссовер фақат электрга юради.
Тўртинчи “яшил” русум I-Type номини олган спорт купесидир.
Кроссоверларнинг техник кўрсаткичлари хусусида бирор маълумот йўқ. Синаш ишлари 2017 йилга мўлжалланган.