Жаҳоннинг энг машҳур автомобиль русумлари аниқланди

2015 йил натижалари асосида жаҳонда энг оммалашган автомобиль русумлари аниқланди.

Маълум бўлишича, харидорларнинг таъбига маъқул келадиган автомобиллар ичида етакчи Toyota Corolla экан. Ўтган тўққиз ой мобайнида японлар 980 071 донасини сотишибди. Бу ўтган йилги кўрсаткичдан 5,7 фоизга ортиқ дегани. Эслатиб ўтамиз: ўтган йили ҳам япон модели биринчи ўринда эди.

794 175та автомобиль сотилганлиги билан немислар иккинчи ўриндан жой олган. Серхаридор машина русуми Volkswagen Golf.

Учинчи ўринни Ford F-Series эгаллаган бўлиб, америкаликлар 672 937 дона автомобиль сотишган.

Ўнликнинг қолган ўринларидан мос равишда Ford Focus, Toyota RAV4, Toyota Camry, Chevrolet Silverado, Volkswagen Polo, Honda CR-V ва Hyundai Elantra жой олган.