Жаҳоннинг энг харидоргир кроссоверлари аниқланди

SUV сегментидаги автомобилларнинг энг бозори чаққон вакили япон кроссовери бўлиб чиқди.

Ўтган йил давомида Honda CR-V автомобилидан 698 594 дона сотилган. Бу 2014 йилги кўрсаткичдан 2,5 фоизга камроқдир, шунга қарамасдан ўз туридаги автомобиллар орасида Хонда кроссовери биринчиликка эришди. Иккинчи ўринда 5,4 фоизлик ўсиш билан Toyota RAV4 шаҳар кроссовери, у 664 382та сотилган. Немисларнинг Volkswagen Tiguan кроссовери 501 042 дона сотилган бўлиб, у рўйхатнинг учинчи поғонасида.

Харидоргир кроссоверлар рейтингининг кейинги ўринларидан Kia Sportage (451 791), Ford Escape (373 351), Haval H6 (373 229), Nissan X-Trail (370 566), Hyundai Santa fe (369 169), Mazda CX-5 (357 090) ва Nissan Qashqai (353 499) машиналари жой олган.