Jeep янги кроссовер тизерини намойиш қилди

Американинг Jeep компанияси интернет тармоғига янги кроссовер тизерини жойлади.
Ҳозирча автомобилнинг номи сир тутилмоқда. Jeep янги модель рекламасини Хитойдан бошлаган.

Jeep’нинг Хитойдаги ваколатхонаси расмий сайтида мазкур мамлакатда C-SUV номи билан машҳур автомобилнинг тизери намойиш этилган. Бироқ айни пайтда машинага тегишли параметрлар ошкор этилмаган, шунингдек, унинг дизайнига билан боғлиқ тафсилотлар ҳам маълум эмас. Тизерда янги Jeep’нинг усти ёпинчиқ билан қопланган.

Аввалроқ хабар берилганидек, янги модель компаниянинг бир йўла иккита — Compass ва Patriot маркаларининг ўрнини эгаллаши керак. Машина Fiat 500X ва Jeep Renegade автомобиллари платформасида тайёрланган. Шунингдек, янги Jeep’га 2,0 литр ҳажмдаги бензинли ва 9 поғонали дизел мотор ўрнатилиши тахмин қилинмоқда.

Янги Jeep’нинг расмий тақдимоти шу йилнинг ноябрь ойида Хитойда бўлиб ўтади. Модель 2017 йилда дунёнинг бошқа автомобиль бозорларида сотувга чиқарилади.