Жосуслар 700 от кучига эга Jeep Grand Cherokee’ни суратга туширди

Autoevolution нашри ихтиёрида Jeep Grand Cherokee’нинг энг кучли ва энг тезкор модификацияси — Trackhawk’нинг жосуслик суратлари пайдо бўлди. Янги автомобиль ҳажми 6,2 литр бўлган олти цилиндрли Hellcat двигатели билан таъминланади, унинг қуввати 700 от кучига тенг.

Суратларга кўра, йўлтанламасниҳнг радиатор панжараси кичраяди, унинг остида эса учта ҳаво панжарачалари пайдо бўлади. Автомобилнинг олд бампери нисбатан пастроқ бўлади, туманга қарши ёруғлик диодли чироқларнинг янги блоки ва орқа эшикда спойлер билан таъминланади.

Jeep Grand Cherokee Trackhawk’га ўрнатиладиган мотор қуввати ҳақида ҳозирча аниқ маълумот берилмаяпти. Ҳозирги вақтда саккиз цилиндрли Hellcat юргизгичи Challenger масл-кари ва “кучайтирилган” Charger седанларига ўрнатилмоқда, бу машиналарда мотор 717 от кучи бермоқда.

Дастлабки маълумотларга кўра, янги йўлтанламас 3,5 сония ичида соатига 100 километрлик тезликка эриша олади, энг юқори тезлиги эса соатига 320 километрни ташкил этади.

Jeep Grand Cherokee Trackhawk’нинг дебюти 2017 йил июлида бўлиб ўтиши кутилмоқда. Тахминларга кўра, кейинчалик Dodge Durango йўлтанламасининг ҳам Hellcat двигателли модификацияси ишлаб чиқилади.