КАМАЗ ва НАМИ Шатл номли автомобилни тақдим этишди

Бундай шаклдаги автомобилнинг яратилишига шаҳарлардаги жамоат ва шахсий транспорт воситаларининг зиддияти туртки берган. Барча ишга тирбандликда қолмасдан етиб боришни истайди. Бироқ аксарият одамлар ўзининг қулай автомобилидан воз кечиб, жамоат транспортидан фойдаланмайди. Натижада тирбандликлар муаммоси ҳал этилмай қолаверади.

КАМАЗ ва НАМИ томонидан тақдим этилган Шатл номли автомобиль ўзида бир неча формфакторларни жамлаган: у бир пайтнинг ўзида автобус, такси ва енгил автомобиль вазифасини бажара олади.

Ушбу концепт қуйидаги асосда ишлайди: йўловчи ўз уйидан смартфонидан фойдаланиб, такси буюртириш учун сўров жўнатади. Махсус онлайн сервис сўровларни қайта ишлаб, ўхшаш йўналишларни танлайди ва 12 кишига мўлжалланган (6 та ўриндиқли) пилотсиз микроавтобусни уйингизга юборади. Шу йўсин Шатл сизни уйингиздан кўзланган манзилга ёки аксинча, бирор жойлашувдан уйингизга элтиб қўяди.

Келажакда мана шундай машина-капсулалар учун катта шаҳарларда махсус парклар яратиш кўзда тутилган. Шунда жамоат транспорти учун бекатлар ва белгиланган маршрутларга ҳожат бўлмайди.

Бундай қулай транспортлар одамларни катта маблағ сарфлаб, машина сотиб олишдан қайтаради. Бу эса тирбандликларнинг олдини олишга хизмат қилади.  Автомобиллар йўқолиб бориш арафасидаги транспорт турига айланади.

Албатта, бу бироз нотабиий янграши мумкин. Бироқ НАМИ вакили, “Зеленый автомобиль” миллий технологик платформаси координатори Алексей Гуськов “Авто Mail.Ru” нашрига берган баёнотида бундай футуристок автомобиллар тез орада одамларнинг узоғини яқин қилишни бошлайди.

Онлайн информацион коммутаторнинг яратилиши билан “Яндекс” компаниясининг шуғулланиши айтилган. Пилотсиз микроавтобус КАМАЗ томонидан ишлаб чиқарилади. Бундан ташқари, компания турли сегментдаги автобусларни тайёрлашни ҳам режалаштирган. НАМИ эса электр ва гибрид туркумидаги технологияларни яратишда давом этади.

Ишониш қийин, аммо “Шатл” бу макет эмас, у ҳаракатдаги пилотсиз микроавтобус. Унга пилотсиз ҳаракатланишни таъминлаш мақсадида кузов қисмларида радар, камера, ультратовушли датчиклар ва марказий процессор жойланган. Тўғри, микроавтобус ҳозирча махсус ёпиқ жойларда юриши мумкин. Шу сабабли унинг максимал тезлиги 25 км/соат этиб чекланган. Митти автобус кичик ўлчамларга (4,6 х 2 м) эга бўлиб, унга электромотор ўрнатилган. Шатлнинг барча ғилдираклари бурилганлиги сабабли у катта аниқлик билан маневр қилади.

Гуськовнинг автишича, бундай кузовдаги автомобиллардан ҳеч қандай қийинчиликсиз йилига 1000 дона ишлаб чиқариш мумкин. Айни пайтда лойиҳа муаллифлари автомобилни ялпи тайёрлашни бошлаш учун инвесторлар билан музокара олиб бормоқда.